A couple of days ago, Salman emailed me a link to an article that he thought I would find interesting. The article was about a poem written by Khalil Gibran 77 years ago, and the writer was amazed how that poem almost perfectly encapsulates the current situation of Pakistan. I, too, was speechless — Gibran’s character might have been describing the city of Orphalese, but the description very well suits our own motherland… sadly.

Here’s the Urdu translation of that poem that appeared in that article.

میرے دوستو اور ہم سفرو
افسوس اس قوم پر جو یقین سے بھری لیکن مذہب سے خالی ہو
افسوس اس قوم پر جو ایسا کپڑا پہنے جسے اس نے خود بنا نہ ہو
جو ایسی روٹی کھائے جسے اس نے اگایا نہ ہو
ایسی شراب پیےجو اس کے اپنے انگوروں سے کشید نہ کی گئی ہو

افسوس اس قوم پر جو دادا گیر کو ہیرو سمجھے
اور جو چمکیلے فاتح کو سخی گردانے
افسوس اس قوم پر جو خواب میں کسی جذبے سے نفرت کرے
لیکن جاگتے میں اسی کی پرستش کرے

افسوس اس قوم پر جو اپنی آواز بلند کرے
صرف اس وقت جب وہ جنازے کے ہم قدم ہو
ڈینگ صرف اپنے کھنڈروں میں مارے
اور اس وقت تک بغاوت نہ کرے
جب تک اس کی گردن مقتل کے تختے پر نہ ہو

افسوس اس قوم پر جس کی رہبر لومڑی ہو
جس کا فلسفی مداری ہو
جس کا فن پیوندکاری اور نقالی ہو

افسوس اس قوم پر جو ہر نئے حکمران کا استقبال ڈھول تاشے سے کرے
اور رخصت گالم گلوچ سے
اور وہی ڈھول تاشے ایک نئے حاکم کے لیے بجانا شروع کر دے

افسوس اس قوم پر جس کے مدبر برسوں کے بوجھ تک دب گئے ہوں
اور جس کے سورما ابھی تک پنگھوڑے میں ہوں

افسوس اس قوم پر جو ٹکڑوں میں بٹی ہوئی ہو
اور ہر ٹکڑا اپنے آپ کو قوم کہتا ہو

And here’s the original, taken from here.

My friends and my road-fellows, pity the nation that is full of beliefs and empty of religion.

Pity the nation that wears a cloth it does not weave, eats a bread it does not harvest, and drinks a wine that flows not from its own winepress.

Pity the nation that acclaims the bully as hero, and that deems the glittering conqueror bountiful.

Pity the nation that despises a passion in its dream, yet submits in its awakening.

Pity the nation that raises not its voice save when it walks in a funeral, boasts not except when its neck is laid between the sword and the block.

Pity the nation whose statesman is a fox, whose philosopher is a juggle, and whose art is the art of patching and mimicking.

Pity the nation that welcomes its new ruler with trumpetings, and farewells him with hootings, only to welcome another with trumpetings again.

Pity the nation whose sages are dumb with years and whose strong men are yet in the cradle.

Pity the nation divided into fragments, each fragment deeming itself a nation.

Seriously, how did Khalil Gibran know?

وہ جن میں دم نہ تھا بازو اٹھانے کا
وہی سینے پہ اب تمغہ سجائے پھرتے ہیں

ہمیں بھی دیکھنا ہے ایک نظر وہ فتنہ
تمام شہر میں جس کے ستائے پھرتے ہیں

عجیب لوگ ہیں، ہاتھوں میں دھڑکنیں تھامے
شعور و عقل کی گٹھڑی بنائے پھرتے ہیں

ذرا سی بات تھی، سچائیوں میں کھو جاتی
مگر وہ رائی کا پربت بنائے پھرتے ہیں

ضمیرِ ذات کی مردہ حیات کے منظر
نگاہِ زندگی کو بوکھلائے پھرتے ہیں

کسی کی بات پر اب کون کان دھرتا ہے
تمام حرف جب خود کو مٹائے پھرتے ہیں

جو کل چٹان تھے اپنی انا کا بُت تھامے
وہ آج یاس کے چشمے بہائے پھرتے ہیں

نرالے بھید ہیں عہدِ رواں کے رہبر کے
تمام عالم میں الٹا گھمائے پھرتے ہیں

بہت پچھتائے ہیں اکثر ہی بات کہہ کر یوں
کہ اب اپنی زباں منہ میں دبائے پھرتے ہیں

اُسے مجھ سے گِلہ ہے، کچھ بھی تو کہتا نہیں ہوں میں

اُسے کوئی بتائے، ”اور بھی دکھ ہیں زمانے میں“
زمانہ یہ کہ خوش ہوتا ہے ہر ہستی مٹانے میں
یہ عالم بھی نہیں ہٹتا کسی کو آزمانے میں
جو ڈٹ جائے تو وہ بھی جا لگے آخر ٹھکانے میں
جو چپ رہتا ہوں تو اِس عالم میں رہتا نہیں ہوں میں؟

اُسے مجھ سے گِلہ ہے، کچھ بھی تو کہتا نہیں ہوں میں

مجھے بھاتا ہے اُس کی شوخ باتوں کا تبسم بھی
مگر میں کیا کروں، ہے ساتھ عالم کا تحکم بھی
اگر جو وہ مخاطب ہو تو اندازِ تکلم بھی
وہ اندازِ تکلم بھی، تکلم کا ترنم بھی
اِن احساسات کے طوفان میں بہتا نہیں ہوں میں

اُسے مجھ سے گِلہ ہے، کچھ بھی تو کہتا نہیں ہوں میں

(۲۰۰۱ میں لکھی گئی)

ٹلتا نہیں کیسا عذاب ہے
یہ مِری روح کا حساب ہے

یہ تِرے شوق کی منزل نہیں
فقط آگہی کا سراب ہے

مجھ پہ ہی موقوف نہیں لوگو
اُس کا بھی دماغ خراب ہے

اتنا آساں نہ سمجھو سعادتؔ
کاروبارِ عشق کا نصاب ہے

(۲۰۰۱ میں لکھے گئے)

تڑپ نہیں تو طلب سہی
یہی عاشقی کا سبب سہی

تجھے راس آئیں عقیدتیں
مجھے صرف تھوڑا ادب سہی

تِرے گوش کو مِری گفتگو
جو عجم نہیں تو عجب سہی

(۲۰۰۱ میں لکھی گئی اِس طویل نظم کا عنوان میرے والد نے تجویز کیا تھا۔ )

سمندر کی وسعتیں
لہروں کا یہ سماں
قطروں کی کہکشاں
اور اس میں ڈوبتے
سورج کی داستاں
اک راز ہے چُھپا
اِن گہرے پانیوں میں
سورج کی گفتگو کا
اِک روز سن لیا
افق کے طائروں نے
سورج جو کہہ رہا تھا
چند آبی مچھلیوں سے
وہ کہہ رہا تھا سُن لو
یہ مثنوی ہے میری
دلکش سی اِک کہانی
سُن لو مِری زبانی
میں جاگتا ہوں ہر صبح
چڑیوں کے چہچہوں سے
جب چومتے ہیں ماتھا
میرا، صبا کے جھونکے
میں دیکھتا ہوں ہر سُو
راحت کی حکمرانی
اور سحر کی جوانی
سرگوشیاں کرے جب
مجھ سے سحر کی مستی
تو گفتگو اُڑا لے
بادِ صبا کی شوخی
میں جھوم جھوم جاؤں
زیرِ لب مسکراؤں
کہ بے خودی صبا کی
مخمور مجھ کو کر دے
چاہت کے اِس نشے میں
میں سوچتا ہوں شاید
بلندیوں کو چھو کے
میں اُس کو پا ہی لوں گا
کیونکہ میں چاہتا ہوں
کہ صبح کی یہ رانی
بادِ صبا، ابد تک
ہو جائے صرف میری
صرف اور صرف میری
میں فلک کو دیکھتا ہوں
اور عزم باندھتا ہوں
کہ اِس کی یہ بلندی
میں سر کر ہی ڈالوں
پھر اِک قدم اٹھا کر
چڑیوں کو ساتھ لے کر
مشرق کو چھوڑتا ہوں
میری گداز کِرنیں
بکھریں زمیں پہ ہر سُو
پھیلائیں میرا جادو
پھر یکدم پھڑپھڑائے
بادِ صبا کا آنچل
مَس ہو مِرے بدن سے
مہکائے میرے تن کو
سرشار اِس خوشی سے
میں مزید آگے جاؤں
چڑیوں کو چھوڑ جاؤں
اور تھام لوں فلک کو
آکاش کی بلندی
مجھ سے نگاہ ملائے
اور طنزاً مسکرائے
پر میں نہ ڈگمگاؤں
اور اس سے پوچھ ڈالوں
کس بات کا گھمنڈ ہے
کس چیز کا تکبر؟
گر اس کا سر بلند ہے
تو میں بھی اب بلند ہوں!
سلطان آسماں کا
ہنس کر کہے یہ مجھ سے
“مانا کہ تم جری ہو
اور دُھن کے بھی ہو پکّے
ہو نور کا خزانہ
پر یہ مجھے بتاؤ
تم جس کو چاہتے ہو
جس کے ہو متمنی
وہ دلربا کہاں ہے؟
بادِ صبا کہاں ہے؟”
میں چونک جاؤں یکدم
دوڑاؤں اپنی نظریں
میری تمام مسافت
دھرتی کا صاف چہرہ
چڑیوں کے قافلے اور
مشرق کا وہ کنارا
کچھ بھی نہیں ہے اوجھل
بس صرف وہ نہیں ہے
میری صبا نہیں ہے

چُپ سادھ لیں مِرے لب
میں سب کو بھول جاؤں
پھر طیش کی لہر اِک
ابھرے مِرے بدن میں
بھڑکائے میرے تن کو
میری سنہری کرنیں
فطرت پلٹ کر اپنی
بن جائیں سرخ شعلے
تپتے ہوئے شرارے
احساس اِس امر کا
کہ کھو چکا ہوں اُس کو
میری جلن بڑھائے
اور قہر بن کے برسے
دھرتی کے ہر نفس پر
ہجراں کی اِس تڑپ میں
جی میں مِرے یہ آئے
کہ سب کو راکھ کر دوں
سب کو جلا ہی ڈالوں
لیکن یہ سوچتا ہوں
کہ اِس سے کیا ملے گا؟
مجھ کو مِری محبت
واپس تو نہ ملے گی
میں اپنے تن کو اُس کی
ساحر سگندھِ خوش سے
مہکا تو نہ سکوں گا
یہ سوچتے ہی میرے
شعلوں کی تابکاری
سانسوں کو توڑ جائے
وہ طیش کی لہر جو
ابھری تھی میرے تن میں
معدوم ہوتی جائے

اِک گہرا سانس لے کر
مغرب کو دیکھتا ہوں
اور اپنا سر جھکا کر
بڑھتا ہوں اُس کی جانب
وہ آسماں کی چوٹی
جس کو فتح کیا تھا
مجھ کو روانہ ہوتے
دیکھے اور مسکرائے
میرے بھی ہونٹ بکھریں
اک تلخ مسکراہٹ
کو خود پہ لا سجائیں
میں اپنے دل کو پرکھوں
اور آپ ہی آپ سوچوں
شاید مِری خطا تھی
مجھ میں ہی کچھ کمی تھی
کہ جس کو چاہتا تھا
وہ دور جا چکی تھی
میں تو اُسی کا ہوں پر
شاید وہ میری نہ تھی!

مغرب کے پاس جا کر
میں خود کو دیکھتا ہوں
اداسیوں کی چادر
پھیلا کے، اپنے کندھے
اُس میں سمیٹتا ہوں
پھر پیچھے دیکھتا ہوں
چڑیوں کے قافلے جو
بچھڑے تھے صبح کی ساعت
مجھ کو پکارتے ہیں
میں اپنا سر جھٹک کر
اُن سے نظر ہٹا کر
خود کو سنبھالتا ہوں
دھیرے سے سانس لے کر
مغرب کے بازوؤں کی
آغوش دیکھتا ہوں
بڑھتا ہوں اُس کی جانب
کہ شام کی ہوائیں
غلغلہ مچاتی
خوشیوں کے گیت گاتی
پاس آ کے مسکرائیں
میرا طواف کر کے
کچھ منہ ہی منہ میں کہہ کے
اِک قہقہہ لگائیں
رنجور ذہن میرا
اُن کی خوشی پہ الجھے
میری اداس آنکھیں
حیرت سے ان کو دیکھیں
وہ شام کی ہوائیں
اک رقص سا دکھا کر
میرے قریب آئیں
مدھم سُروں میں کوئی
نغمہ سا گنگنائیں
دھیمی سی لَے میں بولیں
“مشرق کے بادشاہ پر
اداسیوں کا سایہ
کچھ جچ کے نہ دکھائے
چھوڑو فسردہ باتیں
جس کی تڑپ ہے تم کو
ہم اُس کے نامہ بر ہیں!”
میرا سکوت ٹوٹے
میں پھر سے جاگ جاؤں
بے چین ہو کے پوچھوں
“میری صبا کہاں ہے؟
میری صبا کہاں ہے؟”
وہ شوخ شنگ ہوائیں
مسکان اک سجا کر
مجھ کو بتاتی جائیں
“اے روشنی کے تارے!
بادِ صبا بھی تم کو
اتنا ہی چاہتی ہے
کرتی ہے یاد تم کو
اُس کے دھیان میں بھی
تم ہی ہو، صرف تم ہو
تم سوچتے ہو شاید
تمہاری وہ نہیں ہے
پر روشنی کے تارے!
تم سوچتے غلط ہو
کہ صبح کی وہ رانی
صرف اور صرف تم کو
تم ہی کو چاہتی ہے
آکاش کی بلندی
اور آسماں کی چوٹی
کیا واسطہ ہے اُس کو
اِن ساری منزلوں سے
سر نہ کرو گے، تب بھی
بادِ صبا کے من پہ
تم حکمراں رہو گے
تو روشنی کے تارے!
اب جا کے نیند لو تم
کہ صبح جب اٹھو گے
مشرق کے بستروں سے
وہ دلربا ملے گی
بادِ صبا ملے گی
اب آنکھیں بند کرو کہ
تم کو تمہاری چاہت
کل صبح پھر ملے گی!”

میں پھر سے جی اٹھوں اور
مسرتوں کی سرخی
چھلکے مِرے بدن سے
وہ شال اداسیوں کی
میں اب اتار پھینکوں
سرشار ہو کے جو میں
ہنستی ہوئی ہواؤں
کا ساتھ دیتا جاؤں
تو شام کے نظارے
شرما کے دہک جائیں
میری ہنسی جو گونجے
چڑیوں کے قافلوں میں
تو وہ حسین ساقی
ساغر اُلٹ کے اپنے
اِس مغربی افق پر
مَے کو گراتے جائیں
سُرخی جماتے جائیں
مغرب کے بادلوں کی
وہ ارغوانی لہریں
لوری مجھے سنائیں
میں نیند کے نشے میں
مدہوش ہوتا جاؤں
مغرب کے بازوؤں کو
تکیہ بنا کے اپنا
آرام سے سو جاؤں

یہ ہے مِری کہانی
اے آبی جاندارو!
میں کل صبح اٹھوں گا
بادِ صبا سے مل کے
پھر آسماں چڑھوں گا
اُس کو وہاں نہ پا کے
وحشت سے چُور ہوں گا
جب ڈوبنے لگوں گا
سوچوں گا اگلی صبح کا
اور بے نیاز ہو کے
مغرب کی وادیوں میں
جا کر دراز ہوں گا