The (much needed) first rain of winter has arrived last evening and now the atmosphere is all clean and tidy. There is, of course, a significant increase in the intensity of weather’s chill, which has forced you to finally fix the gas heater of your room. You have loads of work to do, but you are just not in the mood. Instead, you think of updating your blog (which, incidentally, you haven’t updated for ages). So you call your elder brother and ask him where his camera is. You then grab that camera and get on your home’s roof. And then you do what every amateur photographer does: point and shoot!

Starting the series is a photograph of the sun, the clouds in front of the sun, and a tall structure that is apparently a water tank, but in reality is just a hollow piece of architecture serving as a huge decoration piece for the surrounding area. The sky at that time wasn’t as yellow as it appears in this picture, but I am not really complaining — it gives a great “touch” to it.

Next comes the coverage of a limited overs cricket match played by some Pathan (Afghan?) kids who normally spend their day carrying a large, untidy bag on their shoulders and stuffing it with junk in hopes of earning some cash. The little park in which they are playing is just adjacent to my home, and is also the one where the empty water tank stands. You can see the boys’ “work bags” lying some steps away from the wicket-keeper. Also, it’s not that apparent in the picture, but the cricket bat is actually just a stick. Gotta love the spirit of these boys.

Next picture is a complete fluke. I was actually trying to capture the birds while they were sitting on the top of the water tank, but while I was clicking the button, they decided to fly away. The moment turned out to be the luckiest I have ever had so far in bird photography.

And now comes the turn for the ever attractive sunsets. As you can notice, the clouds which were present at the time of the first picture are now gone and only few have remained. Nevertheless, they make a pretty picture.

The sun after getting really low…

And just a couple of minutes before disappearing…

And thus ends the filmstrip!

کیفے کے باہر سورج آہستہ آہستہ مغرب میں اتر رہا تھا۔ چند گھنٹوں پہلے ہونے والی بارش نے جہاں موسم کی خوبصورتی میں اضافہ کیا تھا، وہاں سرد ہواؤں کی شدت کو بھی دُگنا کر دیا تھا۔ موسم کی یہی خنک دلکشی اُسے اپنے اپارٹمنٹ سے باہر کھینچ لائی تھی۔ ایک ہلکا سا سویٹر اور جِینز اپنے بدن پر چڑھائے وہ کچھ دیر تک فُٹ پاتھوں پر آوارہ گردی کرتا رہا تھا اور پھر اُس کیفے میں آ گیا تھا۔

”سر!“ کیفے کا مالک اُسے دیکھ کر مسکرایا تھا۔ وہ جانتا تھا کہ اُس کا مستقل گاہک بس آنے ہی والا ہے۔ موسم ہی کچھ ایسا تھا۔

اپنی مخصوص میز پر بیٹھنے کے بعد اُس نے اِدھر اُدھر نگاہ دوڑائی تھی۔ کیفے کی گلاس کی دیواریں باہر موجود زندگی کو اندر بیٹھے ناظرین کے لیے گویا پینٹ کر رہی تھیں: وہی لمبی سی دو رویہ سڑک۔ سڑک کے گرد موجود وہی فُٹ پاتھ۔ فُٹ پاتھوں کے کنارے لگے وہی گھنے درخت۔ اُن درختوں سے گرتے، سردیوں کا استقبال کرتے وہی پتّے۔ اور اُن پتّوں پر چلتے ہوئے وہی لوگ۔

اُس نے کافی کے کپ سے اُٹھتی ہوئی بھاپ کو دیکھا۔ ایک خم دار، اَن دیکھے راستے پر چلتی ہوئی وہ بھاپ اسے کچھ کہتی محسوس ہو رہی تھی۔

”اگلا افسانہ کب لکھ رہے ہیں سر؟“ کیفے کا مالک پوچھ رہا تھا۔ اُس نے مسکرا کر کافی کا ایک اور گھونٹ لیا اور نفی میں سر ہلا دیا۔ کیفے کا مالک ہنسا اور ایک دوسری میز کی جانب بڑھ گیا۔

کچھ دیر پہلے جب وہ باہر فُٹ پاتھ پر بکھرے گیلے پتّوں پر چل رہا تھا تو یہی سوال اُس کے اپنے ذہن میں بھی ابھرا تھا۔ ”مجھے اِن پتّوں پر کچھ لکھنا چاہیے۔“ اُس نے سوچا تھا۔ ”لیکن کیا فائدہ؟ لا تعداد ادیب، شاعر، اور مصوّر اِن پتّوں پر نجانے کِن کِن زاویوں سے طبع آزمائی کر چکے ہیں۔ شاید یہ پتّے بھی اب تک افسانوں، نظموں، اور تصویروں کا موضوع بن بن کر تنگ آ چکے ہوں۔“

وہ اپنی اِس سوچ پر خود ہی ہنسا تھا۔

”شاید مجھے اِسی موضوع پر لکھنا چاہیے کہ یہ پتّے کِس کِس طرح استعمال ہوتے رہے ہیں۔“ اپنے ہاتھوں کو جِینز کی جیبوں میں اُڑستے ہوئے اُس نے ایک لمحے کو رک کر فُٹ پاتھ پر بکھرے پتّوں کو دیکھا تھا۔ یوں جیسے اُن کی تائید چاہ رہا ہو۔

سورج مزید جُھک گیا تھا۔ وہ لمبی سی دو رویہ سڑک اب نارنجی سی روشنی میں نہا گئی تھی۔

کافی کا ایک اور گھونٹ لے کر اُس نے کیفے میں موجود لوگوں کو دیکھا۔ ایک کونے میں دو ٹِین ایجرز بیٹھے آئس کریم سے لطف اندوز ہو رہے تھے۔ کبھی کبھار زور سے قہقہہ لگا کر وہ ایک دوسرے کے ہاتھ پر ہاتھ مار کر ہنس پڑتے۔ کیفے کا مالک بھی گاہے گاہے اُن پر نظر ڈال کر مسکرا رہا تھا۔

”جوانی!“ اُس کے ذہن میں فوراً عنوان آیا۔

ایک دوسری میز پر دو خواتین بیٹھی تھیں، ماں اور بیٹی۔ بیٹی نہایت پُر جوش انداز میں ماں کو کسی چیز کے بارے میں بتا رہی تھی اور ماں اپنے چہرے پر ایک شفیق سی مسکراہٹ لیے اُسے سُن رہی تھی۔ جب کبھی اُن ٹِین ایجر لڑکوں کا قہقہہ بیٹی کی روانی میں خلل ڈالتا تو وہ ماتھے پر بَل ڈال کر اُنہیں گھورتی۔ ماں کی مسکراہٹ گہری ہو جاتی۔

”بے تابی!“ اُس کے ذہن میں ایک اور عنوان گونجا۔

بائیں جانب درمیانی عمر کے دو میاں بیوی بیٹھے تھے۔ ایک ہی پلیٹ سے رُوسی سلاد کھاتے ہوئے وہ مستقل مسکرا رہے تھے۔ بیوی کبھی کبھار دھیرے سے ہنس بھی پڑتی، اور شوہر اُس لمحے نظر بھر کر بیوی کے ہنستے ہوئے چہرے کو دیکھتا۔ بیوی جواباً استفہامیہ انداز میں شوہر کی طرف دیکھتی، جس پر شوہر بھی ہنس کر نفی میں سر ہلاتا۔ پھر وہ دونوں باہر فُٹ پاتھ پر چلتے لوگوں کو دیکھنے لگتے۔

”ساتھ!“ ایک اور عنوان۔

کافی کی بھاپ اب اُس کے چہرے کے سامنے مختلف شکلیں اختیار کر رہی تھی۔ اُس نے اُن شکلوں کو شناخت کرنے کی کوشش کی۔ اُسے کوئی خاص کامیابی نہیں ہوئی۔ دھیرے سے مسکراتے ہوئے اُس نے اگلا گھونٹ لیا۔ بھاپ رقص کرتے ہوئے اُس کی آنکھوں کے سامنے آ گئی۔ ہر شَے دُھندلا گئی تھی۔ اُس نے اپنی آنکھیں بند کر لیں۔

بند آنکھوں سے کیفے کا منظر زیادہ دلفریب تھا۔ گلاس کی دیواروں کے اُس پار سورج کا غروب مزید مسحور کُن ہو گیا تھا۔ فُٹ پاتھ پر بکھرے پتّے آپس میں سر گوشیاں کرتے اُس کی طرف اشارے کر رہے تھے۔ کیفے کا مالک اب کاؤنٹر کے پیچھے کھڑا اُسے دیکھ رہا تھا۔ وہ دونوں ٹِین ایجرز بھی خاموش ہو کر اُس کی طرف گھوم گئے تھے۔ بیٹی اپنی ماں کو اُسی کی طرف متوجہ کر رہی تھی۔ میاں بیوی نے باہر چہل قدمی کرتے لوگوں کی بجائے اُس کا جائزہ لینا شروع کر دیا تھا۔ وہ اُن سب کی توجہ کو محسوس کرتے ہوئے گویا داد وصول کرنے لگا۔ وہ اِس داد کا مستحق جو تھا۔

پھر اُس نے اُسے دیکھا۔ کیفے کے دوسرے کونے میں بیٹھی، اپنے سامنے پڑی میز پر جھکی، تیزی سے کچھ لکھتی ہوئی، وہ آس پاس سے بالکل بے خبر تھی۔ اُس کا قلم بڑی روانی کے ساتھ سطر پر سطر لکھے جا رہا تھا اور اُس کے ہونٹوں پر موجود مسکراہٹ گویا اعلان کر رہی تھی کہ اُسے اپنی تحریر کے علاوہ اور کسی کی پروا نہیں ہے۔ وہ الجھ گیا۔ “آخر یہ مجھے داد کیوں نہیں دے رہی؟” وہ اُسی بے خبری کے ساتھ لکھتی رہی، اور وہ اُسی الجھن کے ساتھ اُسے دیکھتا رہا۔

کافی اب ٹھنڈی ہونا شروع ہو گئی تھی۔ بھاپ کی اشکال بھی معدوم ہو گئی تھیں جب اُس نے سر اٹھا کر اُس کی طرف دیکھا۔ وہ چونکا اور وہ مسکرائی۔ ”تم نے میرے لیے کوئی عنوان تجویز نہیں کیا۔“

اُس نے اپنی آنکھیں کھول دیں۔ ”فریب!“

کیفے کے دوسرے کونے پر موجود میز خالی تھی۔ وہ اٹھ کر باہر چلا آیا۔

Sitting here in front of my computer and moving my fingers on the keyboard, I can see a beautiful sunset out of my room’s window. The horizon is clouded just as it should be for a sunset, with rays of the settling sun jetting through little spaces. The long street has a soothing feel to itself, like the one you would experience on any other evening where the sun is going down behind the clouds, and the weather has just gone very intoxicating due to the first rain of winter earlier in the day. Plants and trees are swaying their branches in a pleasant dance with the wind, and I am just loving the orange-ish coat of colour on everything visible.

So why, as you might ask, am I sitting inside? Because the moment I step outside, I am greeted by a chill and my teeth start rattling.

But to tell you the truth, I was outside, up on my home’s roof, enjoying the western horizon, and the Margalla Hills, and the chilly winds, when I suddenly realized that this ulti seedhi place still greets its visitors with a happy Eid. And when I counted the number of days which have passed since Eid, I thought I should go inside and update. Even if it looks like an essay on today’s weather.

And since now my room is illuminated majorly by the glow of this screen I am looking at, I can safely assume that the sun has set. Or maybe it has a few more minutes, I can’t yet hear the azan for Maghreb.

Wait. Here it is. The echoing voice of Allah-o-Akbar.

In other news, there’s only one headline. And that says that I have nothing to tell you. Life is as exciting as it should be, and is as boring as it should be. Interesting, right?

Wrong. It’s not interesting at all.

Or maybe it is. Or maybe I am just talking nonsense. Or maybe I should get up and switch the room-lights on.

پچھلے ۱۴ دنوں سے میں اس چمکدار ستارے کو مشرق سے ابھرتا اور مغرب میں ڈوبتا دیکھ رہا ہوں۔ ہر روز صبح سویرے اس کے اشاروں پر ہوا کے جھونکے آ کر مجھے گدگدایا کرتے۔ میں پہلو بدل کر سونے کی کوشش کرتا مگر کچھ ہی دیر بعد اس کی کرنیں مجھ پر برسنے لگتیں۔ ہار مان کر میں آنکھیں کھول کر اس کی طرف دیکھتا اور اسے اپنی جانب مسکراتے پا کر جواباً خود بھی مسکراتا۔ مسکراہٹوں کے اس تبادلے کے بعد وہ تو اپنے سفر پر روانہ ہو جاتا اور میں اپنی جگہ پر ہی رہ جاتا۔ کپڑے کا ایک ٹکڑا ہی تو ٹھہرا۔

مجھے یاد ہے کہ یکم اگست کی صبح ایک چھوٹے سے بچے نے مجھے اُس تاریک الماری سے نکالا تھا۔ دو تین بار زور زور سے مجھے جھٹکے دے کر لہرانے کے بعد اس نے مجھ پر ایک تنقیدی نگاہ ڈالی تھی اور میں اُس کی آنکھوں میں ابھرنے والی چمک کو دیکھ کر حیران رہ گیا تھا۔ چند منٹوں بعد وہ بچہ مجھے “غسل” دے رہا تھا اور چند گھنٹوں بعد میں ایک بانس سے چمٹا اُس بچے کے گھر کی چھت پر لہرا رہا تھا۔ نجانے کتنے عرصے بعد میں نے ہوا کو اپنے بدن پر محسوس کیا تھا۔ میرا جی چاہ رہا تھا کہ اِسی طرح ہوا چلتی رہے اور میں اس کے دوش پر اپنا آپ لہراتا رہوں۔ مگر کچھ ہی دیر بعد میری مایوسی کی انتہا نہ رہی جب میں بالکل ساکت ہو کر اس بانس سے لٹکا ہوا تھا۔

چند دنوں میں میرے آس پاس مجھ جیسوں کی بھر مار ہو گئی۔ کچھ مجھ سے چھوٹے اور بے حد شوخ تھے۔ اپنے بدن پر اللہ جانے کیا کچھ سجائے، سیٹیاں مارتے لہرائے پھرتے تھے۔ کچھ کے اوپر تو ھلال اور ستارہ ڈھونڈنے کے لئے مجھے خاصی محنت کرنا پڑی تھی۔ ان کے بالکل برعکس کچھ بہت ہی بڑے تھے۔ ذرا سی ہوا چلنے پر جہاں چھوٹے پھڑپھڑانا شروع کر دیتے، وہاں وہ بڑے بس سر اٹھا کر اِدھر اُدھر دیکھتے اور پھر کسی گہری سوچ میں غرق ہو جاتے۔

ایک شام میں نے دیکھا کہ میرے ہی جیسے کاغذ کے چھوٹے چھوٹے ٹکڑے ایک لمبی سی ڈوری پر بندھے میرے بالکل ارد گرد جمع ہو رہے ہیں۔ وہی بچہ جس نے مجھے الماری سے نکالا تھا، بڑے جوش و خروش سے ان “جھنڈیوں” کو عجیب و غریب انداز میں لگائے جا رہا تھا اور اپنی امی کو دکھا دکھا کر ان سے شاباش وصول کر رہا تھا۔ یہ جھنڈیاں بھی عجیب ہی مخلوق تھیں، چھوٹوں سے بھی زیادہ شوخ۔ ہوا چلنے پر ایسا معلوم ہوتا تھا جیسے تالیاں پیٹ رہی ہوں۔ سیٹیاں بجانے پر آتیں تو چھوٹے بھی اپنا سا منہ لے کر رہ جاتے۔ لیکن ماننے کی بات ہے، جب بھی ہوا چلتی تو ایسا جنگل میں منگل کا سماں ہوتا تھا کہ میں ہوا کے رکنے کے بعد بھی کچھ دیر تک لہراتا رہتا۔ چھوٹے زور زور سے میرے لہرانے پر سیٹیاں بجاتے اور جھنڈیاں تالیاں پیٹ پیٹ کر مجھے داد دیتیں۔

پھر ایک دن جیسے طوفان آ گیا۔ اتنے گہرے بادل تھے کہ مجھے سورج نظر آنا بند ہو گیا تھا۔ ہوا اس زور کی تھی کہ جھنڈیوں اور چھوٹوں کی سیٹیاں چیخوں میں تبدیل ہو گئی تھیں، اور بڑے انتہائی فکر مندانہ انداز میں اِدھر سے اُدھر لہرا رہے تھے۔ میں اپنے بانس کو مضبوطی سے تھامے تھر تھر کانپ رہا تھا کہ جیسے آسمان سے قیامت برس پڑی۔ اس زور کی بارش ہوئی تھی کہ کچھ دکھائی نہیں دے رہا تھا۔ جھنڈیوں کی چیخوں نے پہلے ہی کان پھاڑ رکھے تھے کہ مجھے بچوں کے قہقہوں کی آواز آئی۔ میں نے بمشکل آنکھیں کھول کر دیکھا اور سناٹے میں آ گیا۔

فضا میں ہر طرف وہ چھوٹی چھوٹی جھنڈیاں چکراتی پھر رہی تھیں۔ میں نے بوکھلا کر انہیں سنبھالنے کی کوشش کی مگر خود ہی ڈول کر رہ گیا۔ وہ بچے ان جھنڈیوں کے ساتھ اچھل اچھل کر کھیل رہے تھے اور میں صدمے کی سی کیفیت میں انہیں تکے جا رہا تھا۔ پھر یکا یک بارش رک گئی اور تمام جھنڈیاں سسکتی ہوئی زمین پر بکھر گئیں۔ ان بچوں کا کھیل اسی طرح جاری تھا۔ اچھلتے کودتے، ایک دوسرے کو پانی میں دھکے دیتے وہ اٹھکیلیاں کر رہے تھے اور ان کے پیر اپنے نیچے آنے والی جھنڈیوں کو روندتے چلے جا رہے تھے۔ میں اپنا سر جھکا کر بے آواز رو رہا تھا جب یکدم ایک بڑے کے ہنسنے کی آواز آئی۔

میں نے دیکھا، وہ تمام بچے اب بھی ایک دوسرے کے پیچھے بھاگ رہے تھے۔ لیکن ان میں سے ایک باقی سب سے لا پروا ہو کر جھُک جھُک کر جھنڈیاں چن رہا تھا۔ وہی جس نے مجھے الماری سے نکالا تھا۔

”بہت جلدی مایوس ہو جاتے ہو دوست۔“ ۱۴ اگست کی شام میں نے سورج کو کہتے سنا۔ وہ اس بچے کو بڑے پیار سے مجھے لپیٹتا دیکھ رہا تھا۔ ”یاد رکھنا دوست۔ جشن دنوں میں نہیں، دلوں میں ہوتے ہیں۔“

غروب ہوتے ہوئے اس کے چہرے پر مسکراہٹ تھی۔

(۲۰۰۱ میں لکھی گئی اِس طویل نظم کا عنوان میرے والد نے تجویز کیا تھا۔ )

سمندر کی وسعتیں
لہروں کا یہ سماں
قطروں کی کہکشاں
اور اس میں ڈوبتے
سورج کی داستاں
اک راز ہے چُھپا
اِن گہرے پانیوں میں
سورج کی گفتگو کا
اِک روز سن لیا
افق کے طائروں نے
سورج جو کہہ رہا تھا
چند آبی مچھلیوں سے
وہ کہہ رہا تھا سُن لو
یہ مثنوی ہے میری
دلکش سی اِک کہانی
سُن لو مِری زبانی
میں جاگتا ہوں ہر صبح
چڑیوں کے چہچہوں سے
جب چومتے ہیں ماتھا
میرا، صبا کے جھونکے
میں دیکھتا ہوں ہر سُو
راحت کی حکمرانی
اور سحر کی جوانی
سرگوشیاں کرے جب
مجھ سے سحر کی مستی
تو گفتگو اُڑا لے
بادِ صبا کی شوخی
میں جھوم جھوم جاؤں
زیرِ لب مسکراؤں
کہ بے خودی صبا کی
مخمور مجھ کو کر دے
چاہت کے اِس نشے میں
میں سوچتا ہوں شاید
بلندیوں کو چھو کے
میں اُس کو پا ہی لوں گا
کیونکہ میں چاہتا ہوں
کہ صبح کی یہ رانی
بادِ صبا، ابد تک
ہو جائے صرف میری
صرف اور صرف میری
میں فلک کو دیکھتا ہوں
اور عزم باندھتا ہوں
کہ اِس کی یہ بلندی
میں سر کر ہی ڈالوں
پھر اِک قدم اٹھا کر
چڑیوں کو ساتھ لے کر
مشرق کو چھوڑتا ہوں
میری گداز کِرنیں
بکھریں زمیں پہ ہر سُو
پھیلائیں میرا جادو
پھر یکدم پھڑپھڑائے
بادِ صبا کا آنچل
مَس ہو مِرے بدن سے
مہکائے میرے تن کو
سرشار اِس خوشی سے
میں مزید آگے جاؤں
چڑیوں کو چھوڑ جاؤں
اور تھام لوں فلک کو
آکاش کی بلندی
مجھ سے نگاہ ملائے
اور طنزاً مسکرائے
پر میں نہ ڈگمگاؤں
اور اس سے پوچھ ڈالوں
کس بات کا گھمنڈ ہے
کس چیز کا تکبر؟
گر اس کا سر بلند ہے
تو میں بھی اب بلند ہوں!
سلطان آسماں کا
ہنس کر کہے یہ مجھ سے
“مانا کہ تم جری ہو
اور دُھن کے بھی ہو پکّے
ہو نور کا خزانہ
پر یہ مجھے بتاؤ
تم جس کو چاہتے ہو
جس کے ہو متمنی
وہ دلربا کہاں ہے؟
بادِ صبا کہاں ہے؟”
میں چونک جاؤں یکدم
دوڑاؤں اپنی نظریں
میری تمام مسافت
دھرتی کا صاف چہرہ
چڑیوں کے قافلے اور
مشرق کا وہ کنارا
کچھ بھی نہیں ہے اوجھل
بس صرف وہ نہیں ہے
میری صبا نہیں ہے

چُپ سادھ لیں مِرے لب
میں سب کو بھول جاؤں
پھر طیش کی لہر اِک
ابھرے مِرے بدن میں
بھڑکائے میرے تن کو
میری سنہری کرنیں
فطرت پلٹ کر اپنی
بن جائیں سرخ شعلے
تپتے ہوئے شرارے
احساس اِس امر کا
کہ کھو چکا ہوں اُس کو
میری جلن بڑھائے
اور قہر بن کے برسے
دھرتی کے ہر نفس پر
ہجراں کی اِس تڑپ میں
جی میں مِرے یہ آئے
کہ سب کو راکھ کر دوں
سب کو جلا ہی ڈالوں
لیکن یہ سوچتا ہوں
کہ اِس سے کیا ملے گا؟
مجھ کو مِری محبت
واپس تو نہ ملے گی
میں اپنے تن کو اُس کی
ساحر سگندھِ خوش سے
مہکا تو نہ سکوں گا
یہ سوچتے ہی میرے
شعلوں کی تابکاری
سانسوں کو توڑ جائے
وہ طیش کی لہر جو
ابھری تھی میرے تن میں
معدوم ہوتی جائے

اِک گہرا سانس لے کر
مغرب کو دیکھتا ہوں
اور اپنا سر جھکا کر
بڑھتا ہوں اُس کی جانب
وہ آسماں کی چوٹی
جس کو فتح کیا تھا
مجھ کو روانہ ہوتے
دیکھے اور مسکرائے
میرے بھی ہونٹ بکھریں
اک تلخ مسکراہٹ
کو خود پہ لا سجائیں
میں اپنے دل کو پرکھوں
اور آپ ہی آپ سوچوں
شاید مِری خطا تھی
مجھ میں ہی کچھ کمی تھی
کہ جس کو چاہتا تھا
وہ دور جا چکی تھی
میں تو اُسی کا ہوں پر
شاید وہ میری نہ تھی!

مغرب کے پاس جا کر
میں خود کو دیکھتا ہوں
اداسیوں کی چادر
پھیلا کے، اپنے کندھے
اُس میں سمیٹتا ہوں
پھر پیچھے دیکھتا ہوں
چڑیوں کے قافلے جو
بچھڑے تھے صبح کی ساعت
مجھ کو پکارتے ہیں
میں اپنا سر جھٹک کر
اُن سے نظر ہٹا کر
خود کو سنبھالتا ہوں
دھیرے سے سانس لے کر
مغرب کے بازوؤں کی
آغوش دیکھتا ہوں
بڑھتا ہوں اُس کی جانب
کہ شام کی ہوائیں
غلغلہ مچاتی
خوشیوں کے گیت گاتی
پاس آ کے مسکرائیں
میرا طواف کر کے
کچھ منہ ہی منہ میں کہہ کے
اِک قہقہہ لگائیں
رنجور ذہن میرا
اُن کی خوشی پہ الجھے
میری اداس آنکھیں
حیرت سے ان کو دیکھیں
وہ شام کی ہوائیں
اک رقص سا دکھا کر
میرے قریب آئیں
مدھم سُروں میں کوئی
نغمہ سا گنگنائیں
دھیمی سی لَے میں بولیں
“مشرق کے بادشاہ پر
اداسیوں کا سایہ
کچھ جچ کے نہ دکھائے
چھوڑو فسردہ باتیں
جس کی تڑپ ہے تم کو
ہم اُس کے نامہ بر ہیں!”
میرا سکوت ٹوٹے
میں پھر سے جاگ جاؤں
بے چین ہو کے پوچھوں
“میری صبا کہاں ہے؟
میری صبا کہاں ہے؟”
وہ شوخ شنگ ہوائیں
مسکان اک سجا کر
مجھ کو بتاتی جائیں
“اے روشنی کے تارے!
بادِ صبا بھی تم کو
اتنا ہی چاہتی ہے
کرتی ہے یاد تم کو
اُس کے دھیان میں بھی
تم ہی ہو، صرف تم ہو
تم سوچتے ہو شاید
تمہاری وہ نہیں ہے
پر روشنی کے تارے!
تم سوچتے غلط ہو
کہ صبح کی وہ رانی
صرف اور صرف تم کو
تم ہی کو چاہتی ہے
آکاش کی بلندی
اور آسماں کی چوٹی
کیا واسطہ ہے اُس کو
اِن ساری منزلوں سے
سر نہ کرو گے، تب بھی
بادِ صبا کے من پہ
تم حکمراں رہو گے
تو روشنی کے تارے!
اب جا کے نیند لو تم
کہ صبح جب اٹھو گے
مشرق کے بستروں سے
وہ دلربا ملے گی
بادِ صبا ملے گی
اب آنکھیں بند کرو کہ
تم کو تمہاری چاہت
کل صبح پھر ملے گی!”

میں پھر سے جی اٹھوں اور
مسرتوں کی سرخی
چھلکے مِرے بدن سے
وہ شال اداسیوں کی
میں اب اتار پھینکوں
سرشار ہو کے جو میں
ہنستی ہوئی ہواؤں
کا ساتھ دیتا جاؤں
تو شام کے نظارے
شرما کے دہک جائیں
میری ہنسی جو گونجے
چڑیوں کے قافلوں میں
تو وہ حسین ساقی
ساغر اُلٹ کے اپنے
اِس مغربی افق پر
مَے کو گراتے جائیں
سُرخی جماتے جائیں
مغرب کے بادلوں کی
وہ ارغوانی لہریں
لوری مجھے سنائیں
میں نیند کے نشے میں
مدہوش ہوتا جاؤں
مغرب کے بازوؤں کو
تکیہ بنا کے اپنا
آرام سے سو جاؤں

یہ ہے مِری کہانی
اے آبی جاندارو!
میں کل صبح اٹھوں گا
بادِ صبا سے مل کے
پھر آسماں چڑھوں گا
اُس کو وہاں نہ پا کے
وحشت سے چُور ہوں گا
جب ڈوبنے لگوں گا
سوچوں گا اگلی صبح کا
اور بے نیاز ہو کے
مغرب کی وادیوں میں
جا کر دراز ہوں گا